Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Володин: Күп балалы гаиләләргә ярдәм итүдә яңа чаралар 231 меңнән артык балага кагылачак
Дәүләт Думасы Рәисе Вячеслав Володин хәбәр иткәнчә, күп балалы гаиләләргә социаль ярдәмнең яңа чаралары 231 меңнән артык балага кагылачак. Сүз гаилә кеременең билгеле бер шартларында айлык пособиене саклап калу турында бара.
Дәүләт Думасы матбугат хезмәтендә искәртүләренчә, шул хактагы закон 22 майда үз көченә кергән. Документ нигезендә, әгәр гаилә әгъзасының уртача кереме төбәк яшәү минимумыннан 10 процентка артмаса, күп балалы ата-аналар балага тиешле түләүне саклап калачак.
«Әлеге чара ата-аналары яңа кагыйдә буенча түләүләр алачак 231 меңнән артык балага кагылыр дип көтелә. Канун дәүләт башлыгы күрсәтмәсе белән кабул ителде. Безнең гражданнар Россия Президенты белән «туры элемтә» барышында шул хакта сораган иде», - диде Володин.
Закон 2026 ел башыннан социаль түләү алучыларның барысына да кагыла. Пособие алу өчен өстәмә гариза тапшырырга кирәкми.
Кызыклы яңалыкларны күзәтеп бару өчен Телеграм-каналга язылыгыз