Алгы сызыкта Татарстан хәрбиләрен бүләкләделәр
Скопировать ссылку
Махсус операция зонасында Татарстан хәрбиләрен чираттагы бүләкләү тантанасы булды. Бу хакта республика Рәисе Рөстәм Миңнеханов «Макс» мессенджерындагы каналында хәбәр итте.
«Антларына тугры калып, Ватанны лаеклы яклаган хәрбиләргә рәхмәт! Аларның исемнәре – Татарстан геройлары исемлегендә», – дип язган Миңнеханов.
Ул шулай ук хәрбиләрнең батырлыгы яшь буын өчен үрнәк булуын, ә республика Ватанны яклаучы якташлары белән горурлануын билгеләп үтте.