Рәсми Татарстан 24 гыйнвар 2018 19:36

Владлен Аксенов Алексей Песошинны бөтенроссия җыенында катнашырга чакырды

Алексей Песошин Россия Гадәттән тыш хәлләр министры урынбасары Владлен Аксенов белән очрашты.

Скопировать ссылку

(Казан, 24 гыйнвар, "Татар-инфом"). Бүген Татарстан Республикасы Премьер-министры Алексей Песошин бүген Россия Гадәттән тыш хәлләр министры урынбасары Владлен Аксенов белән очрашты. Очрашу Татарстан Хөкүмәте йортында узды, дип хәбәр итә Татарстан Президенты матбугат хезмәте.

Очрашуда ТР Гражданнар оборонасы эшләре һәм гадәттән тыш хәлләр министрлыгы эшчәнлеген тәэмин итү хакында фикер алыштылар.

Әңгәмә барышында Владлен Аксенов Алексей Песошинны ел саен уздырыла торган бөтенроссия җыенында катнашырга чакырды. Анда гадәттән тыш хәлләрне кисәтү һәм бетерү бердәм дәүләт системасының һәм гражданнар оборонасы системасының 2017 елдагы эшчәнлегенә йомгак ясалачак (Мәскәү өлкәсенең Красногорск шәһәрендә узачак).

Очрашуда шулай ук ТР гражданнар оборонасы эшләре министры – Россия гадәттән тыш хәлләр министрлыгының ТР буенча баш идарәсе башлыгы Рәфис Хәбибуллин катнашты.

#Алексей Песошин #Владлен Аксенов

Сәхифәләр

Владлен Аксенов Алексей Песошинны бөтенроссия җыенында катнашырга чакырды