Владимир Циома Татарстан буенча Тикшерү идарәсе җитәкчесе урынбасары вазифасыннан китте
Вазифадан азат итү турындагы боерыкны Россия Тикшерү комитеты җитәкчесе Александр Бастрыкин имзалады.
- ВКонтакте
- Telegram
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- РњРѕР№ Р В Р’В Р РЋРЎв„ўР В Р’В Р РЋРІР‚ВВВВВВВВРЎР‚
Скопировать ссылку
(Казан, 8 апрель, «Татар-информ»). Владимир Циома Россия Тикшерү комитетының Татарстан буенча Тикшерү идарәсе җитәкчесе урынбасары вазифасыннан китте. «Татар-информ»га бу мәгълүматны Владимир Николаевич үзе раслады.
Россия Тикшерү комитеты башлыгы Александр Бастрыкин, идарә җитәкчесе урынбасары ставкасының кимүенә бәйле рәвештә, аны эштән азат итү турындагы боерыкны имзалаган.
«Иртәгә, 9 апрельдә, Татарстан буенча Тикшерү идарәсе башлыгы урынбасары вазифасында соңгы көнем була», - дип хәбәр итте Владимир Циома.
«Татар-информ» элек декабрь ахырында, вәкаләтләр срогы тәмамлануга бәйле рәвештә, Татарстан буенча Тикшерү идарәсе башлыгы Павел Николаев отставкага китүен хәбәр иткән иде. Николаев киткәннән соң, Татарстан Тикшерү комитеты башлыгы вазифаларын бүгенге көнгә кадәр җитәкченең беренче урынбасары Марат Зарипов башкара.