Владимир Сабан туенда борынгы гореф-гадәтләр яңартылачак
Владимир өлкәсендә милли бәйрәмне быел унтугызынчы тапкыр оештырачаклар.
Скопировать ссылку
(Казан, 3 июль, "Татар-информ"). Владимир Сабан туенда борынгы гореф-гадәтләр яңартылачак. Бу хакта Владимир татарларының "Бәхет" милли-мәдәни берләшмәсе хәбәр итә.
Сабан туе 15 июльгә билгеләнгән. Владимир өлкәсендә аны быел унтугызынчы тапкыр оештырачаклар.
"Кунакларга, борынгы гореф-гадәтләргә корылган кызыклы, бай программа әзерлибез", - диелә хәбәрдә.
Шулай ук милли уеннар, милли ризыклардан авыз итү, мастер класслар, татарча көрәш тә тәкъдим ителәчәк. Костюмнар бәйгесе уздыру да күздә тотыла.
