Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Владимир Путин: Ышанычыгызны аклау өчен барысын да эшләячәкмен
Ышанычыгызны аклау өчен көчемнән килгәннең барысын да эшләячәкмен, моның өчен дәүләт башлыгының Конституциядә беркетелгән барлык вәкаләтләрен дә кулланачакмын. РФ Президенты Владимир Путин инаугурация уңаеннан ясаган чыгышында шундый вәгъдә бирде. Чыгышның тексты Кремль сайтында урнаштырылган.
Ул билгеләп үткәнчә, әлеге эшнең нәтиҗәләре хәлиткеч дәрәҗәдә барлык россиялеләрнең бердәмлеге һәм оешканлыгына, Ватанга файда китерү, туган илне саклау һәм тулы нәтиҗә белән эшләү омтылышына бәйле.
«Бүген без, асылда, меңьеллык тарихыбыз һәм ата-бабаларыбыз алдында җавап тотабыз. Алар менеп булмаслык булып тоелган үрләрне яулаганнар, чөнки туган илне һәрвакытта да беренче урынга куйганнар, үз илең һәм халкың белән бергәләп кенә чын мәгънәсендә зур максатларга ирешеп булачагын белгәннәр һәм дөньякүләм держава, Ватаныбызны барлыкка китергәннәр, бүген дә безне рухландыра торган казанышларга ирешкәннәр», - дип өстәде Путин.
Ул Россиянең өмет белән алга каравын, үз киләчәген планлаштыруын, төрле проектлар һәм программаларны гамәлгә ашыруын билгеләп үтте, аларның максаты – илнең динамик үсешенә ирешү, аны тагын да куәтлерәк итү.
«Без бердәм һәм бөек халык, бергәләп барлык каршылыкларны да җиңәчәкбез, уйланган барлык эшләрне тормышка ашырачакбыз. Һәм бергәләп җиңү яулаячакбыз!» - диде сүзенең ахырында дәүләт башлыгы.
Кызыклы яңалыкларны күзәтеп бару өчен Телеграм-каналга язылыгыз