Россиядә яшьләр, аерым алганда, яшь гаиләләр һәм белгечләр өчен өстәмә ипотека программалары барлыкка килергә мөмкин. Россия Президенты Владимир Путин РФ Хөкүмәтенә шундый йөкләмә белән чыгыш ясады.
«Яшьләр, шул исәптән яшь белгечләр, яшь гаиләләр өчен өстәмә ташламалы ипотека программаларын гамәлгә ашыру буенча тәкъдимнәр әзерләргә», - дип билгеләп үтелә Кремль сайтында чыккан исемлектә.
Бу йөкләмәнең үтәлеше өчен РФ Премьер-министры Михаил Мишустин җаваплы итеп билгеләнде. Йөкләмә 1 июльгә кадәр башкарылырга тиеш.
Моннан тыш, дәүләт башлыгы яшь гаиләләрне торак белән тәэмин итүгә кагылышлы программаларны камилләштерергә кушты. Бу торак мәйданын көтү срокларына кагыла - аларны кыскартырга, ә фатир сатып алуга түләүләрне, киресенчә, арттырырга кирәк.