news_header_top
16+
news_header_bot
news_top

Владимир Путин хәрби разведчикларны бәйрәм белән котлады

Россия Президенты Владимир Путин хәрби разведчикларны һөнәри бәйрәмнәре белән тәбрик итте. Шул хактагы хәбәр Кремль матбугат хезмәте сайтында урнаштырылган.

«Үзләрен шушы героик хезмәткә багышлаган кешеләр һәрвакыт Ватаныбыз сагында нык торды, катлаулы һәм җаваплы биремнәрне уңышлы үтәде. Россия халкы сезнең батырлыкларыгыз белән горурлана. Хәрби разведканың шәхси составына, ветераннарга Ватанга намуслы хезмәт итүләре, хәрби антка тугры булганнары һәм фидакарьлекләре өчен рәхмәт белдерәсем килә», – дип яза РФ Президенты.

Хәрби разведчиклар көне 2006 елда рәсми дәүләт бәйрәмнәре исемлегенә кертелде. 5 ноябрьнең сайлануына килгәндә, 1918 елда шушы көнне төзелгән ведомство ахыр чиктә СССР Кораллы Көчләре Генераль штабының Баш разведка идарәсенә әверелде.

news_right_1
news_right_2
news_bot