Җәмгыять 20 июнь 2019 16:04

Владимир Путин: Торак-коммуналь хуҗалык тарифлары җайга салыначак

Бу мәсьәлә дәүләт башлыгының шәхси контролендә, дип ышандырды Президент.

Скопировать ссылку

(Казан, 20 июнь, “Татар-информ”, Зилә Мөбәрәкшина). Россия Президенты Владимир Путин торак-коммуналь хуҗалык тарифлары җайга салыначак дип ышандырды. Бу хакта ул туры элемтә вакытында хәбәр итте.

“Торак-коммуналь хуҗалык тарифларының артуы белән бәйле проблема барлыгын беләм, ул хөкүмәт контролендә. Бу тарифларының үсешен чикләү бар. Төбәкләрдә аларның үтәлешен күзәтергә генә кирәк. Бу өлкәне җайга салуны максат итеп куячакмын”, - дип вәгъдә итте дәүләт башлыгы.

Элегрәк хәбәр ителгәнчә, 2019 елга "коммуналка" тарифларының ике этаплы үсеше планлаштырылган. Бу карар өстәмә кыйммәткә салым ставкасын 18 проценттан 20 процентка кадәр арттыру белән бәйле. Ул 2019 елның 1 гыйнварыннан - 1,7 процентка, 1 июльдән 2,4 процентка арткан.

#Владимир Путин #туры элемтә #Россия Президенты #торак-коммуналь хуҗалык #тариф

Сәхифәләр

Владимир Путин: Торак-коммуналь хуҗалык тарифлары җайга салыначак