Җәмгыять 16 июнь 2025 19:12

Владимир Путин Татарстанның 7 алдынгы хезмәткәрен бүләкләде

Скопировать ссылку

Татарстан Рәисенең Дәүләт хезмәте һәм кадрлар департаменты җитәкчесе Александр Белов күпьеллык намуслы дәүләт хезмәте өчен «Намуслы хезмәте өчен» XXV ел билгесе белән бүләкләнде. Бу карарны Россия Президенты Владимир Путин имзалады. Документ Кремль сайтында чыкты.

«Татарстан Республикасында дәүләт һәм муниципаль хезмәтләр күрсәтүнең күпфункцияле үзәге» ДБУ директоры Линара Мозаффарова ирешелгән хезмәт уңышлары һәм күпьеллык намуслы хезмәте өчен II дәрәҗә «Ватан алдындагы казанышлары өчен» ордены медале белән бүләкләнде.

Журналистиканы үстерүдәге казанышлары һәм күпьеллык нәтиҗәле хезмәте өчен «Татмедиа» АҖ филиалы «Казанские ведомости» газетасы редакциясе» баш мөхәррире – җитәкчесе Венера Якуповага «Россия Федерациясенең атказанган журналисты» дигән мактаулы исем бирелде.

Химия фәннәре докторы, Россия Фәннәр академиясенең мөхбир-әгъзасы, А.М.Бутлеров исемендәге Химия институты кафедрасы профессоры Игорь Антипинга «Россия Федерациясенең атказанган фән эшлеклесе» мактаулы исеме бирелде.

Идел буе дәүләт физик культура, спорт һәм туризм университеты кафедрасы доценты Равил Кашапов, Идел буе дәүләт физик культура, спорт һәм туризм университеты кафедрасының өлкән укытучысы Леонид Савосин һәм Идел буе дәүләт физик культура, спорт һәм туризм университеты кафедрасы профессоры Александр Черняев «Россия Федерациясенең атказанган физик культура хезмәткәре» мактаулы исеменә лаек булды.

Сәхифәләр

Владимир Путин Татарстанның 7 алдынгы хезмәткәрен бүләкләде