Владимир Путин Татарстанның 100 еллыгын бәйрәм итү турында Карарны имзалады
Документ Россиянең хокукый мәгълүмат рәсми интернет-порталында дөнья күргән.
Скопировать ссылку
(Казан, 27 апрель, «Татар-информ»). Россия Президенты 2020 елда Татарстан Республикасы төзелүнең 100 еллыгын бәйрәм итү турында Карарны имзалады. Шул хактагы документ РФ хокукый мәгълүмат рәсми интернет-порталында дөнья күргән.
Карар нигезендә, РФ субъектлары хакимиятләре һәм җирле үзидарә органнарына Татарстанның 100 еллыгына әзерлек эшләре һәм аны үткәрүдә катнашырга тәкъдим ителгән.
Документ аны имзалаган көннән үз көченә керә.