Җәмгыять 23 декабрь 2021 19:26

Владимир Путин: Шәхси торак төзелешен үстерүдә ярдәм әлегә җитәрлек түгел

Аның сүзләренчә, торакка бәя артуга төзелеш технологияләре үсеше һәм төзелеш материаллары базарындагы тәкъдим дә йогынты ясаган.

Скопировать ссылку

(Казан, 23 декабрь, «Татар-информ»). Россия Президенты Владимир Путин шәхси торак төзелешен үстерүгә күрсәткән ярдәмнең җитәрлек булмавын билгеләде. Бу хакта ул еллык матбугат конференциясендә әйтте.

Владивосток журналистының ташламалы ипотека аркасында бәяләр арту турындагы соравына җавап итеп, Россия Президенты Владимир Путин матбугат конференциясе барышында ташламалы ипотеканың уңай роль уйнавын билгеләп үтте.

Путин торак төзелешенә ярдәм итү чаралары комплексы булдырылуын әйтте. Ерак Көнчыгышта ташламалы ипотека еллык 2 процент белән бирелә, авыл хуҗалыгы ипотекасын — 3 процент, балалы гаиләләргә 6 процент белән алырга мөмкин. Моннан тыш, яңа төзелешләр өчен 7 процентлы ташламалы ипотека вакыты озайтылган.

«Арзан ипотека бәяләр артуга китерә. Шулай да без 90 млн.кв метр төзедек. Уңай нәтиҗә күренеп тора. Үзләренең торак хәлләрен яхшырткан гаиләләр саны да арта. Бу әле ярдәм җитәрлек булмаса да, шәхси торак төзелешенә дә кагыла. Без моны алга таба эшләрбез», — диде Путин.

Матбугат конференциясе барышында Путин 2021 елда Россия төзелештә рекордлы күрсәткечләргә ирешүен дә әйткән иде.

#Владимир Путин #шәхси торак #Путинның матбугат конференциясе #ипотека

Сәхифәләр

Владимир Путин: Шәхси торак төзелешен үстерүдә ярдәм әлегә җитәрлек түгел