Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Владимир Путин салым билгеләүнең «гаделрәк» системасын уйларга кушты
Россия Президенты Владимир Путин Федераль Җыенга юлламасында салым салуның «гаделрәк», дифференциацияләнгән системасына күчү кирәклеге турында белдерде.
«Безнең казна системасын модернизацияләү алымнарын, шәхси һәм корпоратив керемнәре югары булган кешеләргә салымны гаделрәк билгеләүне уйларга тәкъдим итәм. Киресенчә, гаиләләргә салым йөкләнешен киметергә кирәк, шул исәптән, бүген әйткән салым чигерүләре хисабына», - дип билгеләп үтте ил Президенты.
Владимир Путин Дәүләт Думасына һәм Хөкүмәткә якын арада конкрет тәкъдимнәр комплексын тәкъдим итүләрен сорап мөрәҗәгать итте.
«Алга таба инде кабул ителгән үзгәрешләрне исәпкә алып, 2030 елга кадәр төп салым параметрларын теркәргә тәкъдим итәм. Шул рәвешле теләсә нинди, шул исәптән озак сроклы инвестиция проектларын гамәлгә ашыру өчен тотрыклы һәм алдан билгеләнгән шартлар тәэмин итәргә», - дип йөкләде ул.
Россия лидеры сүзләренчә, салым системасы җәмгыятьтә һәм федерация субъектларының социаль-икътисади үсешендә дә тигезсезлекне киметергә, гражданнарның һәм компанияләрнең керем дәрәҗәсен исәпкә алырга тиеш.
Кызыклы яңалыкларны күзәтеп бару өчен Телеграм-каналга язылыгыз