news_header_top_970_100
news_header_bot_970_100

Владимир Путин: “Милиция хезмәткәрләренең барысын да каралтырга ярамый дип саныйм”

Әмма Эчке эшләр министрлыгында тискәре күренешләргә карата реакция бик тиз һәм катгый булырга тиеш, дип саный Премьер–министр

(Казан, 3 декабрь, “Татар–информ”). Россия Премьер–министры Владимир Путин Эчке эшләр министрлыгының бөтен структурасын закон бозуда гаепләргә ярамый, дип саный. Бүген россиялеләр белән “турыдан–туры элемтә” барышында ул әнә шулай дип белдерде.
“Хокук тәртибе өлкәсендә күп кенә проблемалар бар. Без закон бозучы кешеләр белән очрашабыз. Бу, әлбәттә, ярамаган эш, – диде РФ Хөкүмәте башлыгы. – Җәмгыять һәм Эчке эшләр министрлыгы үзе әлеге җинаятьләр белән актив көрәшергә тиеш. Әгәр Эчке эшләр министрлыгы хезмәткәре җинаять кылса, аңа катгый җәза бирергә кирәк”.
“Бүгенге көндә Эчке эшләр министрлыгында 1,4 миллион кеше исәпләнә, бу РФ Кораллы Көчләренең сан ягыннан составын да узып китә. Алар мөһим функция үти, еш кына тормышларын куркыныч астына куя, шунлыктан милиция хезмәткәрләренең барысын да каралтырга ярамый дип саныйм, – диде Владимир Путин. – Әмма Эчке эшләр министрлыгында тискәре күренешләргә карата реакция бик тиз һәм катгый булырга тиеш”.

news_right_column_1_240_400
news_right_column_2_240_400
news_bot_970_100