Мәдәният 2 сентябрь 2018 12:00

Владимир Путин мәрхүм Иосиф Кобзон белән хушлашырга килде

Путин мәрхүмнең гаиләсе янына килеп, аның тол хатыны, балалары һәм оныкларының кайгысын уртаклашты.

Скопировать ссылку

(Казан, 2 сентябрь, "Татар-информ"). Бүген Россия Президенты Владимир Путин мәрхүм Иосиф Кобзон белән хушлашу мәрәсименә килде. Бу турыда "Интерфакс" хәбәр итте.

Бүген Мәскәүдә Иосиф Кобзон белән хушлашу чарасы уза.

Чайковский исемендәге Концертлар залына килеп, Путин Кобзонны бер минутлык тынлык белән искә алды. Башын иеп басып торганнан соң, Президент табут янына чәчәкләр салды.

Шуннан соң Путин мәрхүмнең гаиләсе янына килеп, аның тол хатыны, балалары һәм оныкларының кайгысын уртаклашты. Путин Нинель Кобзон янына утырып, бераз сөйләшеп алды.

Моңа кадәр Кобзон белән хушлашырга Дмитрий Медведев килгән иде.

СССРның халык артисты Иосиф Кобзон 30 августта 80 яшендә вафат булды.

#иосиф кобзон #владимир путин

Сәхифәләр

Владимир Путин мәрхүм Иосиф Кобзон белән хушлашырга килде