Сәясәт 9 май 2024 12:00

Владимир Путин һәм башка илләр лидерлары Билгесез солдат каберенә чәчәкләр куйды

Скопировать ссылку

Россия Президенты Владимир Путин Мәскәүгә Бөек Ватан сугышында Җиңүнең 79 еллыгын бәйрәм итүгә килгән чит ил дәүләтләре лидерлары белән бергә Александров бакчасындагы Билгесез солдат каберенә чәчәкләр куйды. Трансляция Кремль телеграм-каналында булды.

Дәүләт башлыклары һәлак булганнарны бер минут тынлык белән искә алды, аннан соң мемориалга кызыл роза бәйләмнәре куйды.

Чит ил кунаклары арасында Бәйсез Дәүләтләр Берлеге илләре лидерлары – Беларусьтан Александр Лукашенко, Казахстаннан Касым-Жомарт Токаев, Кыргызстаннан Садыр Җапаров, Таҗикстаннан Эмомали Рахмон һәм Төркмәнстаннан Сәрдар Бәрдемөхәмәдов бар.

Сәхифәләр

Владимир Путин һәм башка илләр лидерлары Билгесез солдат каберенә чәчәкләр куйды