Хәвеф-хәтәр 14 август 2018 18:12

Владимир Путин Генуяда күпер җимерелү сәбәпле кайгы уртаклашты

Италиядә автомобиль күпере җимерелүдән үлүчеләр саны 22гә җиткән.

Скопировать ссылку

(Казан, 14 август, “Татар-информ”). Россия Президенты Владимир Путин Италия президенты Серджо Маттареллега Генуяда күпер җимерелеп, корбаннар булу сәбәпле кайгы уртаклашу телеграммасын юллаган. Бу хакта Кремльнең матбугат хезмәте хәбәр итә.

Путин һәлак булучыларның якыннары һәм туганнарының хәсрәтен уртаклаша һәм зыян күрүчеләрнең тизрәк терелүен теләвен җиткерә, диелгән хәбәрдә.

Италиянең транспорт һәм инфраструктура министры урынбасары Эдоардо Рикси мәгълүматы буенча, автомобиль күпере җимерелеп, үлүчеләр саны 22гә җиткән.

Италия шәһәрендәге Россия генераль консуллыгыннан хәбәр итүләренчә, зыян күрүчеләр арасында россиялеләр булуы турында мәгълүмат кермәгән.

#путин #фаҗига #италия

Сәхифәләр

Владимир Путин Генуяда күпер җимерелү сәбәпле кайгы уртаклашты