Владимир Путин: БРИКС илләре Кытай һәм Бразилиянең Украина буенча инициативасын хуплады

Скопировать ссылку

БРИКСта катнашучы илләрнең күпчелеге Кытай һәм Бразилиянең Украина конфликтын җайга салу буенча «Тынычлык дуслары» платформасын булдыру турындагы инициативасын хуплаган. Бу хакта Россия Президенты Владимир Путин Казандагы БРИКС саммиты нәтиҗәләре буенча «Казан Экспо» халыкара күргәзмә үзәгендә матбугат очрашуында белдерде.

«Кытай һәм Бразилия Нью-Йоркта Берләшкән Милләтләр Оешмасының Генераль ассамблеясендә инициатива белән чыгыш ясады. БРИКСта катнашучы илләрнең күбесе бу инициативаны хуплый. Ә без, үз чиратыбызда, партнерларыбызга бу конфликтка игътибар күрсәткәннәре һәм аны хәл итү юлларын эзләгәннәре өчен рәхмәтле», – диде дәүләт башлыгы.

Владимир Путин ассызыклаганча, барысы да Украинадагы конфликт мөмкин кадәр тизрәк һәм тыныч чаралар белән тәмамлансын өчен әзер.

БРИКСның 16нчы саммиты Казанда 22- 24 октябрьдә узды. БРИКС берләшмәсенә 2006 елда нигез салына. Анда Бразилия, Россия, Һиндстан, Кытай, Көньяк Африка, Гарәп Әмирлекләре, Иран, Мисыр һәм Эфиопия керә. 2024 елда БРИКСта рәислек итү хокукы Россиягә күчте.

#БРИКС #Владимир Путин

Сәхифәләр

Владимир Путин: БРИКС илләре Кытай һәм Бразилиянең Украина буенча инициативасын хуплады