Владимир Путин «аутрич»/«БРИКС плюс» форматындагы утырышны ачты

Скопировать ссылку

«Аутрич»/«БРИКС плюс» форматындагы утырышны Казандагы БРИКС саммитының өченче көнендә Россия Президенты Владимир Путин ачып җибәрде. Ул хәзерге вакытта Казан Экспо халыкара күргәзмә үзәгендә бара.

«Барыгызны да «аутрич» / «БРИКС плюс» форматындагы утырышта сәламләвемә шатмын. Мондый киңәйтелгән формат үзен яхшы яктан күрсәтте һәм берләшмә әгъзаларына дусларыбыз һәм партнерларыбыз белән турыдан-туры һәм ачык әңгәмә корырга мөмкинлек бирә. Бу юлы Россия рәислеге илебезнең иң якын күршеләрен чакырды. Безне – дус булган илләрне – уртак тарих берләштерә. Биредә шулай ук БРИКС белән тыгыз хезмәттәшлекне булдырырга теләүче, киләчәктә берләшмәдә әгъза булу мөмкинлеген караучы дәүләт җитәкчеләре дә бар», - диде Владимир Путин утырышны ачкан вакытта.

БРИКС – 2006 елда нигезләнгән илләр берләшмәсе. Анда Бразилия, Россия, Һиндстан, Кытай, Көньяк Африка, Гарәп Әмирлекләре, Иран, Мисыр һәм Эфиопия керә. 2024 елда БРИКСта рәислек Россиягә күчте.
Казандагы БРИКС саммиты – берләшмәдә катнашучыларның 16 нчы очрашуы. Оешманың барлык әгъзаларының мәнфәгатьләре туры килә торган икътисади мәсьәләләр буенча фикер алышу планлаштырыла.

#БРИКС #Владимир Путин

Сәхифәләр

Владимир Путин «аутрич»/«БРИКС плюс» форматындагы утырышны ачты