Җәмгыять 2 март 2020 10:50

Владимир Путин ана капиталын киңәйтү турындагы законны имзалады

Әлеге документ ярдәмендә гаиләләр беренче баласы тугач ук сертификат алачак.

Скопировать ссылку

(Казан, 2 март, «Татар-информ»). РФ Президенты Владимир Путин ана капиталын киңәйтү турындагы законны имзалады. Документ хокукый мәгълүмат порталында урнаштырылган.

Закон проекты дәүләт башлыгының РФ Федераль Җыенына Юлламасында телгә алынган йөкләмәләр нигезендә әзерләнгән. Әлеге документ ярдәмендә гаиләләр беренче баласы тугач ук сертификат алачак – ул быелның башыннан беренче сабые дөньяга килгән яки уллыкка бала алган гаиләләргә кагылачак.

Закон программаның гамәлдә булу вакытын 2026 ел ахырына кадәр, шулай ук түләүләрнең еллык индексациясен озайта, сертификат һәм ана капиталы акчаларын бирү вакытын киметә. Баланы бердәнбер уллыкка алучы булган әтиләргә дә беренче бала өчен түләүләр алу хокукы бирелә.

Дәүләт Думасы ана капиталын киңәйтү турындагы закон проектын 20 февральдә кабул итте.

Россиядә ана капиталы программасы РФ Президенты Владимир Путин инициативасы буенча әзерләнгән «Демография» илкүләм проекты кысаларында гамәлгә ашырыла.

#ана капиталы

Сәхифәләр

Владимир Путин ана капиталын киңәйтү турындагы законны имзалады