Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Владимир Путин 31 декабрьне ял көне итү тәкъдимен максатка ярашлы дип саный
Россия Президенты әлеге карар турында тыныч эш режимында уйларга вәгъдә итте.
(Казан, 19 декабрь, «Татар-информ», Надежда Гордеева). Россия Президенты Владимир Путин 31 декабрьне ял көне итү тәкъдимен максатка ярашлы дип саный. Бүген зур матбугат конференциясе барышында ул шул хакта хәбәр итте.
«31 декабрьне ял көне итүгә килгәндә, мин моны, әлбәттә, максатка ярашлы дип саныйм, - диде Путин. - Әмма моны ничек эшләргә икәнлеген һәм аны менә хәзер, ашык-пошык, Яңа ел алдыннан хәл итәргә кирәкме-юкмы, анысын белмим».
РФ Президенты сүзләренчә, кайбер эш бирүчеләр 31 декабрьне ял көне дип игълан иткән инде. «Әгәр моны мөмкин әйбер дип тапканнар икән, аларны бары тик хуплыйм гына. Кайсы да булса ял көнен 31е белән алыштырырга мөмкинме? Мөмкин. Бары тик боларның барысына да тыныч кына анализ ясарга, май аенда өстәмә ял көненнән мәхрүм итеп, бакчачыларга зыян китермиме-юкмы икәнлеген карарга кирәк. Бу мәсьәләне хәл итәргә мөмкин», - дип искәртте ул.
Россия Президенты әлеге карар турында тыныч эш режимында уйларга вәгъдә итте.
«Татар-информ» агентлыгы Татарстан Президенты Рөстәм Миңнехановның, тиешле боерыкны имзалап, 31 декабрьне республикада ял көне итүе хакында язган иде инде.
Кызыклы яңалыкларны күзәтеп бару өчен Телеграм-каналга язылыгыз