Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Владимир Путин 20 февральдә Федераль җыенга еллык юллама белән мөрәҗәгать итәчәк
Россия Президенты вазифасында Владимир Путин өчен быелгы юллама унбишенчесе булачак.
(Казан, 8 февраль, «Татар-информ»). Россия Президенты Владимир Путин 20 февральдә Федераль җыенга еллык юллама белән мөрәҗәгать итәчәк. Бу хакта ТАСС агентлыгы дәүләт башлыгының матбугат сәркатибе Дмитрий Песковка сылтама ясап хәбәр итә. «Президент 20 февральдә Федераль җыенга юллама белән мөрәҗәгать итәчәк», - диде ул.
Кремль вәкиле сүзләренчә, чараны яктырту өчен журналистларны аккредитацияләү 15-17 февраль уздырылачак.
Дмитрий Песков Президентның еллык юллама белән Мәскәүдә чыгыш ясаячагын искәртте, анда нинди темалар күтәреләчәген аерым әйтмәде.
Россия Президенты исә соңгы атнада һөнәри берлекләр белән очрашулар вакытында яңгыраган тәкъдимнәрне юлламада исәпкә алыныр дигән иде. Мәсәлән, «Эшлекле Россия» форумында ул шулай диде.
Быел Россиядә дәүләт башлыгының ил үсешендәге төп юнәлешләр турында ел саен парламентка мөрәҗәгать итү практикасына 25 ел тула. Беренче тапкыр Президент Борис Ельцин Федераль җыенга юллама белән мөрәҗәгать иткән иде. Шушы еллар эчендә Борис Ельцин еллык юллама белән - 6, Владимир Путин – 14, Дмитрий Медведев 4 тапкыр чыгыш ясаган. Быелгысы Владимир Путин өчен 15нче юллама булачак.
Кызыклы яңалыкларны күзәтеп бару өчен Телеграм-каналга язылыгыз