Владимир Никитин Казан марафонында Россия рекордын яңартты
Скопировать ссылку
Владимир Никитин Казанда узучы ярышларда ир-атлар арасындагы марафонда җиңү яулады һәм 42,2 километрлы дистанциядә Россия рекордын яңартты.
Спортсмен 2 сәгать 8 минут 9 секунд нәтиҗә күрсәтте. Бу – бер атна элек Дюссельдорфта Дмитрий Неделин куйган рекордтан яхшырак күрсәткеч.
Хатын-кызлар арасында Казан марафонында Луиза Лега җиңүче булды. Ул 2:23:05 нәтиҗә күрсәтте һһм трассаның яңа рекордын теркәде.
2026 елда Казан марафоны уникенче тапкыр уздырыла. Республиканың төп йөгерү ярышы 1 майдан 3 майга кадәр дәвам итә. Ул илнең төрле төбәкләреннән һәм чит илләрдән килгән профессиональ атлетларны һәм һәвәскәр спортчыларны берләштерә.
Фото: https://t.me/kazan_run