Хәвеф-хәтәр 6 октябрь 2017 08:27

Владимир өлкәсендә поезд бәрдергән автобусның тимер юлда сүнеп калган булуы ачыкланган

Пассажирларның бер өлеше автобусны этеп чыгарырга тырышып караган.

Скопировать ссылку

(Казан, 6 октябрь, “Татар-информ”). Владимир өлкәсендә пассажир автобусы белән пооездның бәрелешүенә китергән сәбәпләр ачыкланган.

Эчке эшләр министрлыгының төбәк идарәсе матбугат хезмәтенә сылтама белән ТАСС агентлыгы җиткерүенчә, автобус тимер юлда сүнеп калган.

Пассажирларның бер өлеше тиз генә салоннан чыгып, автобусны этеп чыгарырга тырышып караган, әмма булдыра алмаганнар.

Соңгы мәгълүматлар буенча, һәлакәттә үлүчеләр саны 19 кешегә җиткән, дип яза “Известия”. Үлүчеләр Үзбәкстан гражданнары, диелә. Юл-транспорт һәлакәте буенча тикшерү алды эше кузгатылган.

#Һәлакәт #поезд #автобус

Сәхифәләр

Владимир өлкәсендә поезд бәрдергән автобусның тимер юлда сүнеп калган булуы ачыкланган