Владимир Алекно һәм Максим Михайлов – Европада иң яхшылар рәтендә
Казанның "Зенит" командасы баш тренеры һәм әйдәп баручы уенчысы кичә лаеклы бүләкләрен алды.
Скопировать ссылку
(Казан, 18 ноябрь, “Татар-информ”, Фәрит Салихов). Мәскәүдә Европа волейбол конфедерациясенең “гала-кич”е узды. Анда Чемпионнар лигасының төркем этабына жирәбә үткәрелде, аннары узган сезон нәтиҗәләре буенча иң-иңнәр бүләкләрен алды.
Казанның “Зенит” волейбол клубының берьюлы ике вәкиле иң яхшылар рәтендә аталды – Владимир Алекно 2016-2017 елгы сезонның иң яхшы тренеры булып танылса, Максим Михайлов иң яхшы уенчы булды.
Исегезгә төшерәбез: узган сезонда "Зенит" волейболчылары ил чемпионы исеменә лаек булды, Чемпионнар лигасында җиңүче булды, Россия кубогы һәм Суперкубогын яулады.
