Владикавказда узган билбау бәйләп көрәшүдә Зәй кызы уңышлы чыгыш ясады
Татарстан җыелма командасы исә өченче урын алды
(Казан, 25 сентябрь, “Татар-информ”). Владикавказда билбау бәйләп көрәшүдә Россия чемпионаты узды. Анда Татарстан командасы составында Зәйдән Екатерина Бусова белән Радик Сәлахов катнашты. Ярышта Екатерина Бусова көмеш медальгә лаек булды. Татарстан җыелма командасы исә өченче урын алды, дип белдерә “Зәй офыклары” басмасы.