Визасыз хаҗга бару мөмкинлеге турында карар әлегә кабул ителмәгән – ТР Диния нәзарәте
Скопировать ссылку
Татарстан мөселманнарының виза рәсмиләштермичә хаҗ һәм гомрә кылу максаты белән Мәккә һәм Мәдинәгә бара алу-алмаулары турында карар әлегә кабул ителмәгән. Бу хакта «Татар-информ»га ТР Диния нәзарәтенең матбугат хезмәтендә хәбәр иттеләр.
Элегрәк Россия белән Согуд Гарәбстанының үзара визаларны гамәлдән чыгару турында килешүгә кул куюлары билгеле булган иде.
«Әлегә хаҗ һәм гомрә буенча карар юк», – дип белдерделәр ТР Диния Нәзарәтенең матбугат хезмәтендә.