Татар дөньясы 16 ноябрь 2005 14:59

Виртуоз скрипкачы, милләттәшебез Алена Баева Бишкәктә зур концерт бирде

Скопировать ссылку

(Бишкәк, 16 ноябрь, «Татар-информ», Илдар Сәмигуллин). Кыргызстан башкаласы Бишкәкнең Милли академия опера һәм балет театрында Россиянең виртуоз скрипкачысы Алена Баева «Симфония Ала-Тоо» оркестрына кушылып, зур скрипка концерты программасы белән чыгыш ясады. Алена – скрипка сәнгате буенча үткәрелгән күпсанлы конкурсларда, шул исәптән Мәскәүдә үткән Паганини исемендәге конкурста да җиңеп чыккан оста скрипкачы. Бишкәктә үткән әлеге концертта да ул оста башкаруы белән тамашачыларны тәмам әсир калдырды. Оркестр белән АКШ дирижеры Чарльз Ансбакер дирижерлык итте.

Алена Баева Кыргызстанның Ош шәһәрендә туып үскән. Музыкага аны әнисе, оста пианистка Гүзәл ханым тарткан. Ә Бишкәккә ул әбисе Фәридә ханым белән бергә килгән иде.

Сәхифәләр

Виртуоз скрипкачы, милләттәшебез Алена Баева Бишкәктә зур концерт бирде