Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Вьетнам базарында сәүдә павильоны тулысынча янып беткән
Янгын мәйданы 2800 кв метрдан арткан
(Казан, 13 октябрь, «Татар-информ»). Бүген Казанның Вьетнам базарында чыккан янгын сәүдә павильонын тулысынча юкка чыгарган. Янгыннан зыян күрүче һәм үлүчеләр юк. Бу хакта Россия Гадәттән тыш хәлләр министрлыгының ТР буенча Баш идарәсе матбугат хезмәте хәбәр итә.
15.55 сәгатьтә кризислы хәлләр белән идарә итү үзәгенә “ГЛОНАСС 112” диспетчерыннан Журналистлар урамы, 100 нче йорт адресы буенча урнашкан “Витарус” ҖЧҖ павильонында янгын чыгуы турында хәбәр килде.
Сәүдә павильоны сэндвич-панельләрдән төзелгән бер катлы 78х36м мәйданлы бина булган. Янгын зыян китергән мәйдан 2800 кв метрдан артып киткән.
Янгын сүндерүгә 102 кеше һәм 22 техника җәлеп ителгән, шул исәптән тармак министрлыгыннан – 92 кеше һәм 18 техника. Оператив төркем белән Россия Гадәттән тыш хәлләр министрлыгының ТР буенча Баш идарәсе җитәкчесе урынбасары вазыйфаларын башкаручы, эчке хезмәт полковнигы Константин Чанышев җитәкчелек иткән.
Кызыклы яңалыкларны күзәтеп бару өчен Телеграм-каналга язылыгыз