Видео: Шәймиев Болгар ислам академиясендә яңа спорт мәйданчыгында футболчыларга пас бирде
Татарстан Дәүләт Киңәшчесе Минтимер Шәймиев Болгар ислам академиясендәге яңа спорт мәйданчыгында футбол матчын ачты. Ул тупка имзасын куйды һәм спортчылар – академиядә укучыларга пас бирде.
Искәртеп узабыз, мәйданчыкны ачу Мәүлид ән-Нәби бәйрәменә багышланган, ул Мөхәммәд пәйгамбәрнең (сәлаллаһу галәйһи вәсәллам) туган көне уңаеннан үткәрелә. ТР Дәүләт Киңәшчесе һәм башка кунаклар тантанада катнашучыларга котлау сүзләрен җиткерде.
Элегрәк РФ Президенты Владимир Путин дини берләшмә вәкилләре белән очрашуда болай дип белдергән иде: «Россиянең мөселман җәмгыяте ил тормышында зур роль уйный, милләтара һәм динара тынычлыкны ныгытуга, гаилә кыйммәтләрен саклауга, үсеп килүче буынны тәрбияләүгә сизелерлек өлеш кертә».
Гөлүзә Ибраһимова видеосы