Вьетнам авиакомпаниясе Казаннан Данангка туристик рейслар ачты
Скопировать ссылку
Вьетнамның VietJet Air авиакомпаниясе Казан аэропортыннан Данангка туристик рейслар ачты. Бу хакта һава аланы матбугат хезмәте хәбәр итә.
«Рейслар билгеле бер даталар буенча, кагыйдә буларак, чәршәмбе һәм шимбә көннәрендә башкарыла. Очышның озынлыгы тугыз сәгать чамасы тәшкил итә», – диелә хәбәрдә.
Маршрутта 377 урынга исәпләнгән киң фюзеляжлы Airbus A330 һава суднолары җәлеп ителгән.
Дананг - Вьетнамның үзәк өлешендә Көньяк Кытай диңгезе буенда урнашкан шәһәр.