Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Ветеринария идарәсе: Татарстанда корбан чалу өчен сарыклар җитәрлек
Татарстанда үстерелгән сарыклар Корбан бәйрәмен үткәрү өчен җитә, аларны башка төбәкләрдән кайтарырга кирәк түгел. Бу хакта бүген «Татар-информ»да узган матбугат конференциясендә Татарстан Республикасы Министрлар Кабинетының Баш ветеринария идарәсе башлыгы урынбасары Габделхак Мотыйгуллин хәбәр итте.
«Республикада сарыклар җитәрлек. Мин моны ассызыклыйм, чөнки сарыклар җитми дигән ялгыш фикер бар. Җәмәгать секторында – 41 мең баш, хосусый секторда 146 мең баш терлек саны буенча мәгълүмат алдым. Республикада барлыгы 188 мең баш сарык бар», - дип билгеләп үтте ул.
Мотыйгуллин бәяләвенчә, эчке куллану өчен бу җитәрлек. Республикадан читкә чыгып, терлек сатып алырга кирәкми.
«Элек шулай эшләгәннәр – кайдан гына алмаганнар. Ел саен мин бу турыда әйтәм: сатучыларның максаты – арзанрак сатып алу, кыйммәтрәккә сату», – дип ассызыклады белгеч.
Кызыклы яңалыкларны күзәтеп бару өчен Телеграм-каналга язылыгыз