Хәвеф-хәтәр 4 октябрь 2023 09:19

Венециядә автобус белән авариядә егермедән артык кеше һәлак булган

Скопировать ссылку

Венеция янында автобус катнашындагы авариядә 20дән артык кеше һәлак булган. Пассажир автобусы күпердән төшеп киткән һәм электр чыбыгына эләгеп яна башлаган. Бу хакта РИА Новости агентлыгы хәбәр итә.

Хәбәрдә әйтелгәнчә, туристлар Венеция янындагы кемпингка юл тоткан, аларга урынга барып җитәргә берничә минут калган булган.

Бер версия буенча, фаҗига 40 яшьлек автобус йөртүченең кинәт хәле китү сәбәпле булырга мөмкин.

Хәзерге вакытта авариядә ким дигәндә 21 кешенең һәлак булуы билгеле, 18 кеше җәрәхәтләнгән, пассажирлар арасында балалар да булган. Юл һәлакәтендә Германия һәм Украина туристлары зыян күргән, автобуста россиялеләр булмаган.

Хәзер фаҗиганең нечкәлекләрен ачыклыйлар, диелә хәбәрдә.

Сәхифәләр

Венециядә автобус белән авариядә егермедән артык кеше һәлак булган