Ведомствоара комиссия Түбән Кама лагерьларының балаларны кабул итүгә әзерлеген тикшерде
- ВКонтакте
- Telegram
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- РњРѕР№ Р В Р’В Р РЋРЎв„ўР В Р’В Р РЋРІР‚ВВВВВВВВРЎР‚
Скопировать ссылку
Түбән Кама районының ведомствоара комиссиясе «Кама Артегы», «Яшьлек», «Акчарлак» һәм «Таң» лагерьларының җәйге сменаларга балаларны кабул итүгә әзерлеген тикшерде. Бу хакта https://tat.e-nkama.ru/ сайтында хәбәр ителә.
Өч лагерьда беренче смена 1 июньдә башлана, ә «Таң»да балаларны 3 июньдә көтәләр. Җәйге сәламәтләндерү кампаниясе башланыр алдыннан комиссия матди-техник базага, тәрбиянең профильле программаларына, санитар-эпидемиологик таләпләрне үтәүгә һәм куркынычсызлыкны тәэмин итүгә аерым игътибар бирде.
«Балалар керер алдыннан лагерьларда косметик ремонт үткәрелде, территорияләр төзекләндерелде. Балалар өчен барлык урыннар да әзер. Җәйге сәламәтләндерү кампаниясе ачылуга йогынты ясарга мөмкин булган кисәтүләр бездә юк», - дип билгеләп үтте Түбән Кама муниципаль районы Башкарма комитетының Яшьләр эшләре идарәсе җитәкчесе, җәйге сәламәтләндерү кампаниясе комиссиясе рәисе урынбасары Фәрит Шәяхмәтов.
Һәр учреждениедә үз күңел ачу һәм тәрбия программасы эшләнгән. Мисал өчен, «Акчарлак»та инженерлык сменасы үткәрәчәкләр. Шул ук вакытта һәр лагерьда «Бердәм гамәлләр көннәре» узачак, календарь бәйрәмнәре билгеләп үтеләчәк, патриотик һәм экологик юнәлештәге чаралар үткәреләчәк.
Быел Түбән Кама районының дүрт шәһәр яны лагеренда барлыгы 5 меңнән артык бала кабул итү планлаштырыла, 27 мәктәп яны лагеренда 3,9 меңгә якын ял итүче булачак, хезмәт һәм ял лагерьларына 700 гә якын бала килә, ә биш палаткалы лагерьда 600 бала ял итәргә җыена.