Вахит Имамовка «Татарстанның халык язучысы» медале тапшырылды
Скопировать ссылку
Язучы, Татарстан китап нәшрияты мөхәррире Вахит Имамовка «Татарстанның халык язучысы» медале тапшырылды. Бу хакта нәшриятның телеграм-каналында хәбәр ителә.
Исегезгә төшерәбез, 2024 елның 21 маенда Вахит Имамовка Татарстан Рәисе указы нигезендә «Татар әдәбиятын үстерүгә зур өлеш кертүе һәм күпьеллык иҗади эшчәнлеге өчен «Татарстан Республикасының Халык язучысы исеме» бирелде.
«Шулай ук Татарстан китап нәшрияты мөхәррире Илһам Ногманов Татарстан язучылар союзына кабул ителде.
Хезмәттәшләребезне котлыйбыз», – дип хәбәр ителә.