Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Вассерман мәктәпләрдә дәресләрне иртәнге сәгать 9га күчерү идеясен тәнкыйтьләде
Россия мәктәпләрендә дәресләрне иртәнге сәгать 8дән 9га күчерергә ярамый. Югыйсә ата-аналар балаларын мәктәпкә илтә алмаячак. Дәүләт Думасының мәгариф комитеты әгъзасы Анатолий Вассерман «Татар-информ» хәбәрчесенә шундый фикер белән уртаклашты.
Элегрәк парламентның түбән палатасында мәктәпләрдә дәресләрне сәгать 9.00да башлауга күчерергә һәм биш көнлек уку атнасына күчәргә тәкъдим иттеләр.
«Миңа калса, мондый тәкъдимне кабул итәргә кирәкми, өстәвенә берничә сәбәп бар. Беренчедән, ата-аналарның шактый өлеше шулкадәр иртә эшли башлый, әгәр уку көне башлануын 8.00 сәгатьтән 9.00 сәгатькә күчерсәң, күп кенә ата-аналар физик яктан үз балаларын мәктәпкә вакытында китерә алмаячак, ә укуга мөстәкыйль рәвештә өлкән сыйныф укучылары гына йөри алачак», - диде агентлык әңгәмәдәше.
Икенчедән, ул искәрткәнчә, киләчәктә укучыларга эшләргә туры киләчәк, һәм, бәлки, аларның эш көне дә иртә башланыр. Нәкъ менә шуңа күрә режимга балачакта ук күнегү яхшырак.
«Мин менә күнекмәгән. Минем тормышымда шулай килеп чыкты, мин мәктәп тормышының күп өлешен икенче сменада укыдым. Нәтиҗәдә миңа бүгенге көнгә кадәр иртә тору авыр», – дип шәхси мисал китерде Вассерман.
Укучыларга йөкләнешкә килгәндә, депутат фикеренчә, ул һәрвакыт булган һәм булачак, чөнки укучы берничә ел эчендә кешелекнең меңъеллык эчендә тупланганына төшенергә тиеш.
Кызыклы яңалыкларны күзәтеп бару өчен Телеграм-каналга язылыгыз