Василий Самокатов түбәнкамалылар өчен велосипедларда махсус тамаша тәкъдим итә
Керү ирекле.
Скопировать ссылку
(Казан, 10 июль, "Татар-информ"). Углич кунагы Василий Самокатов Түбән Камада үз велотамашасын күрсәтүне дәвам итә. Бу турыда Түбән Кама муниципаль районы рәсми сайтында хәбәр ителә.
Гадәти булмаган велосипедларда үзенчәлекле мондый тамашаны ул беренче тапкыр Түбән Камада Велосипед тарихы музее ачылу уңаеннан тәкъдим итте.
Чираттагы шундый программа кичә "Велики" паркында оештырылды. Паркның уку корпусында велосипедчылар марафонында катнашучы белән очрашу да узды.
Василий Самокатов катнашындагы тагын бер тамаша бүген 13:30 сәгатьтә "Гаилә" паркында да үткәреләчәк. Керү ирекле.