news_header_top
16+
news_header_bot
news_top

Васильево бистәсендә дүрт Бөек Ватан сугышы ветеранына фатир ачкычлары тапшырылды

Район башлыгы сугышта күрсәткән батырлыклары өчен ветераннарга рәхмәт белдерде һәм яңа фатирга күченүчеләргә ныклы сәламәтлек, озын гомер теләде

(Казан, 3 март, “Татар-информ”). Кичә Яшел Үзән районының Васильево бистәсендә, Бөек Җиңүнең 65 еллыгын бәйрәм итүгә әзерлек кысаларында, дүрт Бөек Ватан сугышы ветеранына фатир ачкычлары тапшырылды.
Аларның барысы да Президент программасы ярдәмендә яңа фатирлы булды. Тантаналы чарада Яшел Үзән муниципаль районы башлыгы Радик Хәсәнов, республика Президенты каршындагы Дәүләт торак фонды башкаручы директоры урынбасары Марат Надыршин һәм “Восход” төзелеш фирмасы директоры Евгений Романов катнашты.
Кунаклар әлеге шатлыклы вакыйганы билгеләп үтү өчен Майбикә Иркинаның яңа фатирына җыелды. Район башлыгы сугышта күрсәткән батырлыклары өчен ветераннарга рәхмәт белдерде, яңа фатирга күченүчеләргә ныклы сәламәтлек, озын гомер теләде, шулай ук аларны әлеге фатирларда Бөек Җиңүнең 70 һәм 80 еллыкларын да билгеләп үтәргә чакырды, дип хәбәр итә Яшел Үзән муниципаль район Советының матбугат хезмәте.

news_right_1
news_right_2
news_bot