news_header_top_970_100
news_header_bot_970_100

Васил Шәйхразиев Түбән Кама ГЭСында һәлак булучыларның гаиләләренең кайгысын уртаклашты

Кичә Түбән Кама ГЭСында килеп чыккан һәлакәт нәтиҗәсендә ике Чаллы кешесенең гомере фаҗигале төстә өзелде

(Чаллы, 13 май, “Татар-информ”). Кичә Түбән Кама ГЭСында килеп чыккан һәлакәт нәтиҗәсендә ике Чаллы кешесенең гомере фаҗигале төстә өзелде. Шартлау дулкыны турбина цехы башлыгы Юрий Харчевны ачык люкка алып ыргыта, нәтиҗәдә ул шунда ук һәлак була. Һәлакәтнең икенче корбаны – 18 нче янгын частеның каравыл башлыгы Александр Нилов.
Бүген Чаллы башкарма комитеты җитәкчесе Васил Шәйхразиев Түбән Кама ГЭСында һәлак булучыларның гаиләләренә кайгы уртаклашу телеграммасы җибәрде. “Чаллы авыр югалту кичерде. Хезмәт вазифаларын башкарган вакытта Түбән Кама ГЭСының турбина цехы башлыгы Юрий Харчев һәм 18 нче янгын частеның каравыл башлыгы Александр Нилов фаҗигале төстә һәлак булды. Үз тормышлары бәрабәренә хезмәттәшләренең һәм республика энергетика объектының куркынычсызлыгын тәэмин иткән иң яхшы белгечләр, үз эшенә җаваплы караган, көчле һәм кыю кешеләр арабыздан китте. Без һәлак булучыларның туганнары һәм якыннарының тирән кайгысын уртаклашабыз. Бу авыр көннәрдә сезгә рухи көч һәм түземлелек телибез. Юрий Харчев һәм Александр Ниловның якты истәлеге күңелләребездә мәңге сакланыр”, - диелә телеграммада.

news_right_column_1_240_400
news_right_column_2_240_400
Медиаметрикс
news_bot_970_100