Васил Шәйхразиев Ростов җитәкчелегенә татар оешмасы өчен офис кирәклеген әйтте
Əлегә җәмгыять шәһәрнең үзәктән читтәге районында кечкенә бүлмәне офис итеп арендалап тора.
Ростов-Дон, 17 февраль, "Татар-информ", Алсу Исмәгыйлева). ТР премьер-министры урынбасары, Милли Шура рәисе Васил Шәйхразиев Ростов-Дон өлкәсенең "Якташлар" татар-башкорт иҗтимагый оешмасына офис булдыру турында Ростов өлкәсенең губернатор урынбасары Василий Рудой белән сөйләште.
Əлегә җәмгыять шәһәрнең үзәктән читтәге районында кечкенә бүлмәне офис итеп арендалап тора. Биредә якшәмбе көннәрендә балалар өчен татар теле дәресләре, милли-мәдәни чаралар оештыралар. Əлегә аренда чыгымнарын җәмгыять әгъзалары үзара акча җыешып каплап бара.
Васил Шәйхразиев бу бүлмәне карап чыкты. "Губернатор урынбасары белән бу мәсьәләне сөйләштек, ул вариантлар карарга кушты. Офис табылса, аны даими кулланылышка алу мөмкинлеген булдырырга тырышырбыз", - диде Шәйхразиев.
- Ростов өлкәсендә 14 меңгә якын татар яши.