Васил Шәйхразиев Петербургта М.Җәлил һәйкәленә чәчәкләр салды
Бүген Татарстан Республикасы Премьер-министры урынбасары, Бөтендөнья татар конгрессы Милли Шура рәисе төньяк башкалада эшлекле сәфәрдә.
Скопировать ссылку
(Казан, 26 февраль, "Татар-информ"). Бүген Татарстан Республикасы Премьер-министры урынбасары, Бөтендөнья татар конгрессы Милли Шура рәисе Васил Шәйхразиев Санкт-Петербургта герой-шагыйрь Муса Җәлил һәйкәленә чәчәкләр салды. Бу турыда Бөтендөнья татар конгрессы матбугат хезмәте хәбәр итте.
Васил Шәйхразиевны шәһәр буенча Татарстан Республикасының Санкт-Петербург шәһәрендәге һәм Ленинград өлкәсендәге даими вәкиллеге хезмәткәре Дамир Сабиров озатып йөри.
"Татар-информ" бүген Васил Шәйхразиев Петербург татарлары белән очрашачак, дип хәбәр иткән иде.
