Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Васил Шәйхразиев Мәскәү татарлары белән аралашачак
Ул Үзәк федераль округының татар иҗтимагый оешмалары җитәкчеләре белән очрашачак.
(Казан, 25 февраль, “Татар-информ”). Бүген, 25 февраль көнне, Татарстан Премьер-министры урынбасары, Бөтендөнья татар конгрессының Милли Шура рәисе Васил Шәйхразиев Мәскәүгә эшлекле сәфәр кыла. Эш программасы кысаларында ул Татар мәдәни үзәге “Ассадулаев йорты”на барачак һәм Үзәк федераль округының татар иҗтимагый оешмалары җитәкчеләре белән очрашачак. Бу хакта Бөтендөнья татар конгрессы матбугат хезмәте хәбәр итә.
Кичен Васил Шәйхразиев “Хәрәкәт” татар яшьләре көннәрендә катнашачак. Гадәттәгечә, бәйрәм кысаларында “Хәрәкәт” яшьләр проектларының еллык премияләре дә тапшырылачак.
“Хәрәкәт” бәйгесенең бүләкләү тантанасы 2014 елдан башлап уздырыла һәм анда бер меңләп кеше катнаша. Болар – актив яшьләр, шулай ук мәдәният, журналистика, фән, икътисад, медицина, хәрби өлкәләрдә уңышка ирешкән күренекле татарлар.
Кызыклы яңалыкларны күзәтеп бару өчен Телеграм-каналга язылыгыз