Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Васил Шәйхразиев мөселманнарны Рамазан ае башлану уңаеннан котлады
Ислам дине гореф-гадәтләребез, телебез, яшәешебез сагында торган иң ышанычлы көч булып тора, диелгән хәбәрдә.
(Казан, 16 май, “Татар-информ”). Татарстан Республикасы Премьер-министры урынбасары, Бөтендөнья татар конгрессының Милли шура рәисе Васил Шәйхразиев Рамазан ае башлану уңаеннан котлавын җиткерде. Бу хакта Бөтендөнья татар конгрессы матбугат хезмәте яза.
Кадерле дин кардәшләр, хөрмәтле мөселманнар!
Татар халкын милләт итеп саклап калуда һәм яшәтүдә Ислам диненең әһәмияте бик зур. Чөнки дин гореф-гадәтләребез, телебез, яшәешебез сагында торган иң ышанычлы көч булып тора. Үзен мөселман дип санаган һәр милләттәшебез Ислам диненең биш баганасын — шәһадәт, намаз, ураза, хаҗ кылу һәм намазны үтәп, үзенең ныклыгын, Аллаһыга карата рәхмәтен белдерде. Рамазан – мөселманнар өчен иң кадерле айларның берсе, чөнки бу айда дин кардәшләребез кояш чыкканнан кояш батканчыга кадәр сый-нигъмәтләрдән, кешеләргә карата начар мөгамәләдән һәм рөхсәт ителмәгән башка эш-гамәлләрдән тыелып торалар. Ураза тоту кешенең әхлагын ныгыта, тыелган эшләрдән читләштерә, күңелләрне сафландыра.
Кадерле мөселманнар, дин кардәшләребез, сезне барыгызны да изге Рамазан ае башлану уңаеннан чын күңелдән тәбрик итәм. Тоткан уразалырыбыз кабул булсын, эшләгән изгелекләребезнең әҗер-савапларын күрергә насыйп итсен, - диелә хәбәрдә.
Кызыклы яңалыкларны күзәтеп бару өчен Телеграм-каналга язылыгыз