Васил Шәйхразыев Тубыл шәһәрендә татар балалары укый торган мәктәп белән танышты
Скопировать ссылку
Бүген, Төмән өлкәсенә сәфәр кысаларында, Татарстан Республикасы Премьер-министр урынбасары, Бөтендөнья татар конгрессы Милли Шура рәисе Васил Шәйхразыев Тубыл шәһәренең 15нче мәктәбе белән танышты. Бу хакта Бөтендөнья татар конгрессы матбугат хезмәте хәбәр итә.
Төмән өлкәсе тарихында Тубыл шәһәренең 15нче мәктәбе күренекле урынны яулаган. Берничә буын тубыллылар һәм Төмән өлкәсе районнарында урнашкан татар балалары язмышы 15нче мәктәп белән тыгыз бәйләнгән. Шушы уку йорты күренекле фән галимнәре, мәгариф, сәламәтлек саклау эшчеләре, мәдәният һәм оешма җитәкчеләре бүлеге эшләүчеләргә тормышка, киләчәкләренә юл күрсәткән, диелә хәбәрдә.