Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Васил Шәйхразыев Петропавловск шәһәренең иң борынгы мәчетендә булды
Татарстан Республикасы премьер-министр урынбасары, Бөтендөнья татар конгрессы Милли Шурасы рәисе Васил Шәйхразыев эш сәфәре белән Казахстанга килде.
Татарстан делегациясе Петропавловск шәһәренең «Дин-Мөхәммәд» мәчетендә булды. Алар өлкәнең мөһим рухи үзәкләренең берсе булган мәчетнең үзенчәлекле архитектурасы һәм тарихы белән таныштылар. Шулай ук алар бөек шагыйрь Габдулла Тукай бюсты куелачак урынны – паркны карадылар. Бу хакта Бөтендөнья татар конгрессы матбугат хезмәте хәбәр итә.
- «Дин-Мөхәммәд» мәчете – Петропавловскиның иң борынгы мәчете. Ул шәһәрнең төп истәлекле урыннарының берсе булып тора.
- Мәчет – XIX гасыр ахыры архитектурасы һәйкәле. 1854 елда сәүдәгәрләр Дин Мөхәммәд Бичурин һәм В.Янгуразов исәбенә төзелгән. Шуңа күрә сәүдәгәрнең берсе хөрмәтенә аның исемен йөртә. Совет власте елларында Петропавловскиның барлык мәдрәсәләре һәм мәчетләре ябыла һәм юкка чыгарыла. 1930 елларда мәчет бинасы тиешенчә файдаланылмый. Мәчет манарасы тулысынча сүтелә. Бары тик 1996 елда гына татар-башкорт дини җәмгыяте мәчетне кире кайтара алган. Ул вакытка бина тулысынча диярлек җимерелгән була, бары тик буш диварлар гына кала. Тиздән Петропавловск шәһәре татарлары «Дин-Мөхәммәд» мәчетен реконструкцияләү белән шөгыльләнә башлыйлар, ул 1998 елда тәмамлана. 2001 елда мәчеттә манара яңадан торгызыла. 2013 елда Казахстан Республикасы мөселманнары Диния нәзарәте карамагына күчә.
- Бүгенге көндә «Дин-Мөхәммәд» гамәлдәге мәчет һәм Петропавловск шәһәренең архитектура һәйкәлләренең берсе булып тора.
Кызыклы яңалыкларны күзәтеп бару өчен Телеграм-каналга язылыгыз