Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Васил Шәйхразыев Муса Җәлил һәйкәле куелачак урынны карады
Омск өлкәсендә эш сәфәрендә булган Татарстан Республикасы Премьер-министры урынбасары, Бөтендөнья татар конгрессы Милли Шура рәисе Васил Шәйхразыев Советлар Союзы Герое, бөек татар шагыйре Муса Җәлил һәйкәле урнаштырылачак мәйданны карап чыкты. Бу хакта Бөтендөнья татар конгрессы матбугат хезмәте хәбәр итә.
Һәйкәл төзелеше һәм аны ачу тантанасы быел Омск өлкәсендә узачак Федераль Сабантуйның төп вакыйгаларының берсе булачак. Бюстның тантаналы ачылышы 18 июльгә планлаштырылган.
Шагыйрьнең бюстын ясау эше Татарстанның Атказанган сәнгать эшлеклесе, танылган сынчы Винера Абдуллинага ышанып тапшырылган. Монументның куелышы өчен Россия архитекторлар берлеге әгъзасы Сакен Хөсәенов җаваплы булып тора. Һәйкәлне урнаштыру, шулай ук аның тирәсендәге мәйданчыкны тәртипкә китерү һәм төзекләндерү чыгымнарын Омск өлкәсе Төбәк татар милли-мәдәни мохтарияте тулысынча үз өстенә алган.
Васил Шәйхразыев һәйкәл тирәсендәге территорияне төзекләндерү һәм чараны оештыру буенча урындагы оештыру комитеты белән фикер алышты.
Кызыклы яңалыкларны күзәтеп бару өчен Телеграм-каналга язылыгыз