Васил Шәйхразыев Мәскәүдә Халыкара конференциядә катнаша
Скопировать ссылку
Бүген Бөтендөнья татар конгрессының Милли Шура рәисе Васил Шәйхразыев Мәскәүдә узучы «Рухи күперләр: Россия һәм Африка» дип аталган Халыкара конференциядә катнаша. Бу хакта Бөтендөнья татар конгрессы матбугат хезмәте хәбәр итә.
Чарада Африканың берничә иленнән килгән баш мөфтиләр, Россия дәүләт хакимияте органнары вәкилләре, төбәк делегацияләре, фән һәм иҗтимагый оешма эшлеклеләре катнаша.
Конференциядә Россия белән Африка арасындагы гуманитар хезмәттәшлек, рухи-әхлакый кыйммәтләрне саклау һәм конфессияара диалогны үстерү мәсьәләләре каралачак.