Васил Шәйхразыев Мариуполь мәчетендә булды
Татарстан Республикасы Премьер-министры урынбасары, Бөтендөнья татар конгрессы Милли Шурасы рәисе Васил Шәйхразыев Донецк Халык Республикасына эш сәфәре кысаларында Мариуполь мәчетендә булды, дип хәбәр итә конгресс матбугат хезмәте.
Сөләйман солтан һәм Роксолана исемендәге Мариуполь мәчете ― Донецк Халык Республикасы Мариуполь шәһәрендә урнашкан ислам гыйбадәтханәсе һәм шул ук исемдәге ислам мәдәни үзәге. 2007 елның 15 октябрендә Төркиядән килгән дәрәҗәле кунаклар катнашында тантаналы рәвештә ачылган: Төркия төзелеш, архитектура һәм торак-коммуналь хуҗалыгы министры Фарук Нафиз Озак, өч урынбасары, парламент депутатлары, Төркиянең төрле провинцияләре губернаторлары һәм мэрлары белән бергә килгән булган.
Бина үзе төрек стилендә төзелгән. Тирә-юньдәге һәрнәрсә ак мәрмәр белән тышланган, ул шулай ук кояш яктысы нурлары астында ак төстә балкый, диелә хәбәрдә.