Васил Шәйхразыев: Ифтарларга күбрәк кеше чакырган саен, сыйфатын саклап калырга кирәк
- ВКонтакте
- Telegram
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- РњРѕР№ Р В Р’В Р РЋРЎв„ўР В Р’В Р РЋРІР‚ВВВВВВВВРЎР‚
Скопировать ссылку
«Ифтарларга кеше күбрәк чакырган саен, сыйфатын саклап калырга кирәк», – дип белдерде Бөтендөнья татар конгрессының Милли Шура рәисе Васил Шәйхразыев. Бу хакта ул Бөтендөнья татар конгрессының агымдагы елда башкарган эшләре буенча хисап чыгышында сөйләде.
«Без соңгы елларда ифтар дипломатиясенә кереп киттек. Күп кенә өлкәләрдә зур ифтарлар уздыру гадәте барлыкка килде, быел Татарстан да бик күп кунаклар җыйды. Ләкин ифтарларга күбрәк кеше чакырган саен, аның сыйфатын, дәрәҗәсен саклап калырга кирәк», – дип искәртте ул.
Аның сүзләренчә, ифтарлар беренче чиратта татар гаиләләрен ныгыту һәм саклап калу өчен оештырылырга тиеш.
«Кайсы өлкәне алсак та, үрнәк итеп күрсәтә алабыз. Уфа, Мордовия, Төмән дибезме, һәр җирдә безнең җитәкчеләр җыелып, матур чаралар уздыралар. Дин әһелләре белән сөйләшкәндә, алар һәрвакыт, без Рамазан аенда 30 көн ифтар уздырабыз диләр. Ләкин ифтар дипломатиясе дигәндә без иң беренче итеп татар гаиләләрен чакыру бурычын куябыз. Бабасы – улы – оныгы бергә килеп, өстәл артында аралашып утырырга тиеш, дин мәсьәләсендә иң мөһиме буыннар арасында диалог», – диде Васил Шәйхразыев.