Васил Шәйхразыев Екатеринбург шәһәрендә «Мәгърифәт» үзәге белән танышты
Скопировать ссылку
Татарстан Премьер-министры урынбасары, Бөтендөнья татар конгрессының Милли Шура рәисе Васил Шәйхразыевның Свердловск өлкәсенә эш сәфәре дәвам итә. Бүген ул Екатеринбург шәһәрендәге «Мәгърифәт» ислам үзәге белән танышты.
Бөтендөнья татар конгрессы матбугат хезмәте хәбәр итүенчә, әлеге үзәктә балалар, яшьләр һәм өлкәннәр өчен Ислам дине нигезләре буенча белем алу мөмкинлеге тудырылган. Дини бәйрәмнәрне, йолаларны уздыру буенча мәгълүмат бирелә.